A Foreigner’s Guide to Buying Property in Thailand

၁။ ထိုင်းနိုင်ငံရှိ အိမ်ခြံမြေပိုင်ဆိုင်မှု ဥပဒေများကို နားလည်ခြင်း

‍

နိုင်ငံခြားသားအနေနဲ့ ထိုင်းနိုင်ငံထဲမှာ မြေပြင်ကို အမည်ပိုင် (Freehold) အဖြစ် ပိုင်ဆိုင်ခွင့်မရှိပါဘူး။ ထိုင်းဥပဒေအရ မြေပြင်ကို တရားဝင်ပိုင်ဆိုင်ခြင်းကို ကန့်သတ်ထားပါတယ်။ ဒါပေမယ့် အခြားနည်းလမ်းတွေအဖြစ် - 

• ကာလကြာရှည်ငှါးရမ်းတာမျိုး (Long-term leases)
  
  
• ကွန်ဒိုများကို ဝယ်ယူခြင်းတို့ ရွေးချယ်နိုင်ပါတယ်။
  
  

ဒါပေမယ့် ရွေးချယ်မယ်ဆို ထပ်မံသိထားရမှာက - 

• ကွန်ဒိုတိုက်ခန်းများအတွက် နိုင်ငံခြားသားပိုင်ဆိုင်မှုကို  အများဆုံး ၄၉%ပဲလက်ခံပါတယ်။
  
  
• Leasehold သက်တမ်းမှာ အများဆုံးနှစ် ၃၀ ဖြစ်ပြီးထပ်မံ သက်တမ်းတိုးရမှာဖြစ်ပါတယ်။   

၂။ ဘာသာစကားကိစ္စကို ဖြေရှင်းခြင်း

‍

အရေးကြီးတဲ့ ဥပဒေရေးရာစာရွက်စာတမ်းတွေဖြစ်တဲ့ —မြေအမည်ပိုင်မှတ်တမ်း(title deeds) နဲ့ အဝယ်စာချုပ် (purchase agreements) တို့ကို ထိုင်းဘာသာဖြင့်သာ ရေးသားထားသောကိစ္စ ပြဿနာတစ်ခု ဖြစ်ပါတယ်။

ဒီပြဿနာကို ဖြေရှင်းဖို့အတွက်ကတော့ - 

• အင်္ဂလိပ်/ထိုင်း နှစ်ဘာသာကျွမ်းကျင်တဲ့ ဥပဒေရှင်များ ပါဝင်တဲ့ Law firms များကို ရွေးချယ်ပါ။
  
  
• ဒါမှမဟုတ် နိုင်ငံခြားသားဥပဒေရှင်များနှင့် ထိုင်းများ ပူးပေါင်းလုပ်ကိုင်သော Law firms များကိုရွေးချယ်ပါ။
  
  

၃။ မှန်ကန်တဲ့ Law Firm ကို ရွေးချယ်ခြင်း

‍

အိမ်ခြံမြေဝယ်ယူခြင်းအတွက် ရှုပ်ထွေးမှုမရှိစေဖို့ မှန်ကန်တဲ့ Law Firm ကိုရွေးချယ်ဖို့ဟာ အရေးကြီးဆုံးဖြစ်ပါတယ်။ ထိုင်းမှာ အရည်အသွေးမြင့် Law Firm များစွာရှိပေမယ့် -  

• တချို့မှာ ဝန်ဆောင်ခတန်ဖိုးများတတ်ပြီး
  
  
• တချို့မှာသာမန်အဆင့်ရှိပေမယ့် ဝန်ဆောင်မှုကောင်းမွန်တတ်ပါတယ်။
  
  

အထူးသတိထားရမှာက သင့်ကို ကိုယ်စားပြုနေတာမဟုတ်တဲ့  မြေပိုင်ရှင်၊ ရောင်းသူတွေနဲ့  ဆက်နွယ်နေတဲ့ Law Firm များကိုမရွေးချယ်မိစေဖို့ဖြစ်ပါတယ်။

‍

၄။ ငွေကြေးလုပ်ငန်းစဥ်များကို လွယ်ကူစွာ ကိုင်တွယ်နိုင်ရန်

‍

နိုင်ငံခြားသားအနေနဲ့ ထိုင်းမှာ ရင်းနှီးမြှုပ်နှံမှုပြုလုပ်တဲ့အခါ ငွေလွှဲနှုန်းလဲနှုန်းများ ကသက်ရောက်မှုရှိတတ်ပါတယ်။

• ထိုင်းဘတ်ဟာ နိုင်ငံခြားငွေများပေါ်မူတည်ပြီး  မကြာခဏအတိုးအကျနဲ့ ပြောင်းလဲတတ်ပါတယ်။
  
  
• နိုင်ငံတကာမှ ငွေလွှဲပြုလုပ်ခြင်းအတွက် အချိန်နှင့် ငွေကြေးကုန်ကျစရိတ်များ များစွာ ပါဝင်တတ်ပါတယ်။
  
  

ဖြေရှင်းနည်းအနေနဲ့ကတော့ - 

• ယုံကြည်စိတ်ချရတဲ့ Financial Institutions သို့ Currency Exchange Service တွေကိုသုံးပါ။
  
  
• ထိုင်းဘဏ်အကောင့်တစ်ခု ဖွင့်ထားခြင်းက စာချုပ်နှင့်ငွေလွှဲလုပ်ငန်းစဉ်များကို လွယ်ကူစေပါတယ်။
  
  

၅။ ဒေသအလိုက် အိမ်ခြံမြေဈေးကွက်သဘောသဘာဝများကို နားလည်ခြင်း

‍

ထိုင်းနိုင်ငံရဲ့အိမ်ခြံမြေစျေးကွက်ဟာ ခရီးသွားလုပ်ငန်း၊ လမ်းပန်းဆက်သွယ်မှုဖွံ့ဖြိုးမှု၊ စီးပွားရေးမူဝါဒများ အပေါ် အားထားရသော ဈေးကွက်တစ်ခု ဖြစ်ပါတယ်။

သင့်ရင်းနှီးမြှုပ်နှံမှုကို ခိုင်မာစေဖို့ - 

• ဒေသခံ အိမ်ခြံမြေကျွမ်းကျင်သူများနှင့် ဆက်သွယ်ပါ။
  
  
• သတင်းများနှင့် ဖွံ့ဖြိုးတိုးတက်မှုစီမံကိန်းများကို နေ့စဉ်စောင့်ကြည့်ထားပါ။
  
  

ဒါကသင့်အနေနဲ့ ဝယ်ဖို့/ရောင်းဖို့ အချိန်ကို ရွေးချယ်ရာမှာ အထောက်အကူဖြစ်စေပါလိမ့်မယ်။

‍

‍